بیجنگ(شِنہوا) چین کے کسٹم دفاتر نے حالیہ برسوں میں سرحد پار تجارتی سہولیات کو فروغ دینے میں خاطر خواہ پیشرفت کی ہے۔جنرل ایڈمنسٹریشن آف کسٹمز کے ایک عہدیدار ژا زینگ لیان نے ایک پریس کانفرنس میں بتایا کہ درآمدی اور برآمدی سامان کے لئے کسٹم کلیئرنس کا مجموعی وقت کم کردیا گیا ہے۔ژا نے کہا کہ 2022 میں درآمدی اور برآمدی سامان کی کسٹم کلیئرنس میں مجموعی طور پر 32.02 گھنٹے اور 1.03 گھنٹے کا وقت لگا جو 2017 کے مقابلے میں 67.1 فیصد اور 91.6 فیصد کم ہے۔اس کے علاوہ درآمدات اور برآمدات کے لئے کم لاگت اور ہموار طریقہ کاراختیار کیا گیا جس کا مقصد کاروباری اداروں کا مالی بوجھ کم کرنا اور کاروباری ضروریات کو بہتر طریقے سے پورا کرنا ہے۔پریس کانفرنس میں یہ بھی بتایا گیا ہے کہ انتظامیہ نے گزشتہ برس قومی عوامی کانگریس کے نائبین کی 148 تجاویز اور چینی عوامی سیاسی مشاورتی کانفرنس کی قومی کمیٹی کے ارکان کی 141 تجاویز کو نمٹایا۔