بیجنگ (شِنہوا) چینی محققین نے ایک نئی قسم کے حیاتیاتی خلیات دریافت کیے ہیں جو انسانوں اوربندر نما جانوروں(پریمیٹ) کی ریڑھ کی ہڈی میں جمع ہوتے ہیں  جس سے ان کی جسمانی کارکردگی وقت کے ساتھ کم ہوجاتی ہے۔

چین کی اکیڈمی آف سائنسز (سی اے ایس ) کے ذیلی ادارے انسٹی ٹیوٹ آف زولوجی کے عہدیدار  لیو گوانگ ہوئی نے کہا کہ ریڑھ کی ہڈی مرکزی اعصابی نظام کا ایک اہم حصہ ہے، اور انسانوں اور پریمیٹ میں زندگی کی مختلف سرگرمیوں کے لیے ضروری ہے، لیکن جسمانی کارکردگی میں عمر کے ساتھ کمی کے طریقہ کار کے بارے میں بہت کم معلوم ہے۔

نئے دریافت ہونے والے خلیے، جو "مائکروگلیہ" کے نام سے معروف کیٹیگری سے  تعلق رکھتے ہیں، بوڑھے بندروں اور انسانوں کی ریڑھ کی ہڈی میں جمع ہوتے ہیں اور موٹر نیوران کی عمر بڑھنے کے عمل کو آگے بڑھاتے ہیں۔