ووہان (شِنہوا) چینی محققین نے براہ راست ایسے شواہد دریافت کیے ہیں جو مریخ کے شمالی علاقے میں ایک قدیم سمندر کے وجود کو ثابت کرتے ہیں۔
ووہان کی چائنہ یونیورسٹی آف جیو سائنسزکے مطابق اس سے پہلے ہونے والی تحقیق میں ابتدائی مریخ پر مائع کی ایک بڑی مقدار کے شواہد ملے تھے، لیکن حقیقی جگہ کے تجزیہ کی کمی کی وجہ سے یہ دعوے متنازعہ رہے ۔
جرنل نیشنل سائنس ریویو میں شائع تحقیقی مضمون کے مطابق یونیورسٹی کے پروفیسر شیاو لانگ کی سربراہی میں تحقیقی ٹیم نے مریخ پر موجود چینی روور ژورونگ کے ملٹی اسپیکٹرل کیمرے سے حاصل ہونے والے سائنسی ڈیٹا کا تجزیہ کیا اور پہلی بار مریخ کی سطح پر سمندری چٹانوں کے پیٹرولوجیکل شواہد دریافت کیے۔
شیاو نے کہا کہ جب ہم نے روور کے آن بورڈ کیمرے سے تصاویر کو دیکھا، تو ہم نے دریافت کیا کہ بے نقاب چٹانوں کے بیڈز کے ڈھانچے مریخ کی سطح پر عام آتش فشانی چٹانوں کے ساتھ ساتھ ریت سے بنے بیڈز کے ڈھانچوں سے نمایاں طور پر مختلف ہیں۔
انہوں نے مزید کہا کہ دو طرفہ بہاؤ کی خصوصیات جن کی نشاندہی بیڈز کے علم سے ہوتی ہے وہ زمین کے ساحلی سمندری ماحول میں کم توانائی کی حامل سمندری لہروں کے ساتھ مطابقت رکھتی ہیں۔
