بیجنگ(شِنہوا) چینی محققین نے مشرقی ایشیا کا ایک ہائی ریزولیوشن ویٹ لینڈ کا نقشہ تیار کیا ہے، جس میں ویٹ لینڈز کے تحفظ اور پائیدار ترقی پر نئی روشنی ڈالی گئی ہے۔

جریدے ریموٹ سینسنگ برائے ماحولیات میں شائع تحقیق میں محققین نے براعظمی پیمانے پر ویٹ لینڈ کی نقشہ سازی کے لیے دو مراحل پرمبنی ایک نئی درجہ بندی تیارکرتے ہوئے  مشرقی ایشیا کا پہلا اور تازہ ترین 10 میٹر ریزولوشن کا ویٹ لینڈ کا نقشہ تیار کیاہے۔

 تحقیق کے مطابق، مشرقی ایشیا میں تین وسیع کیٹیگری اور 12 ذیلی کیٹیگریزکے ساتھ اس نقشے نے مجموعی طور پر 88 فیصد سے زیادہ درستگی حاصل کی۔

نقشے کے مطابق، 2021 میں اس خطے میں کل ویٹ لینڈ کا رقبہ4لاکھ 81ہزار800مربع کلومیٹر سے زیادہ تھا، جو بنیادی طور پر چین کے شمال مشرقی اور چنگھائی-تبت سطح مرتفع میں تقسیم تھا۔ چین کے پاس مشرقی ایشیاء میں کل 88 فیصد سے زیادہ ویٹ لینڈ وسائل ہیں، اس کے بعد منگولیا کا نمبر آتا ہے۔