بیجنگ(شِنہوا) چینی محققین کا کہنا ہے کہ انسانی سرگرمیوں سے ہونے والی موسمی تبدیلی اورآب و ہوا کے نظام میں قدرتی تغیرجنوبی وسطی ایشیا میں گزشتہ تین دہائیوں کے دوران شدید خشک سالی کا باعث ہے۔
یہ تحقیق حال ہی میں نیچر جیو سائنس نامی جریدے میں شائع ہوئی ہے۔
چین کی اکیڈمی آف سائنسز کے انسٹی ٹیوٹ آف ایٹموسفیرک فزکس (آئی اے پی) کے محقق جیانگ جی نے کہا کہ زرعی خشک سالی سے مراد مٹی کی نمی میں کمی واقع ہونا ہے، جس کا موسمیاتی عوامل میں ہونے والی تبدیلیوں سے گہرا تعلق ہے جو عام طور پر موسمیاتی خشک سالی کے بعد رونما ہوتی ہے۔ جیانگ نے مزید کہا کہ انسانی سرگرمیوں سے ہونے والی موسمی تبدیلی بنیادی طور پر اس تحقیق میں گرین ہاؤس گیسوں کے ارتکاز میں اضافے کی طرف اشارہ کرتی ہے۔" گرین ہاؤس گیسوں کے مسلسل اخراج کے نتیجے میں پورے وسطی ایشیا میں تیزی سے گرمی کی شدت میں اضافہ ہواہے، جس کی وجہ سے اس خطے میں پانی سے بخارات بننے اضافہ اور مٹی کی نمی میں کمی آئی ہے۔
