بیجنگ(شِنہوا) ریاستی کونسل کے تائیوان امور دفتر نے تائیوان کی "پراسپیکٹ فاؤنڈیشن" اور "ایشین لبرلز اینڈ ڈیموکریٹس کونسل" کے خلاف "تائیوان کی آزادی" کی وکالت کرنے پر پابندیوں کا اعلان کیا ہے۔
دفتر کی ترجمان ژو فینگ لیان نے جمعہ کو کہا کہ ڈیموکریٹک پروگریسو پارٹی کے حکام کی ہدایات پر عمل کرتے ہوئے، دونوں تنظیموں نے "جمہوریت" "آزادی" اور "تعاون" کے بہانے اور "تعلیمی تبادلوں" اور "سیمینارز" کی آڑ میں بین الاقوامی سطح پر "تائیوان کی آزادی" خیال کو غلط طریقے سے پیش کیا۔
ژو نے مزید کہا کہ وہ چین مخالف قوتوں کے ساتھ گٹھ جوڑ کرنے کے لیے ہر ممکن کوشش کررہے ہیں اور ایسی سرگرمیوں میں ملوث ہیں جس سے "ایک چین، ایک تائیوان" "دو چین" کو فروغ ملا اور تائیوان کی نام نہاد "بین الاقوامی ساکھ"کو فروغ دینے کی کوشش کرتے ہوئے ایک چین کے دیگر اصولوں کی خلاف ورزی کی۔
مین لینڈ نے مذکورہ تنظیموں کے خلاف تعزیری اقدامات کا فیصلہ کرتے ہوئے ان کے سربراہان کے مین لینڈ اور ہانگ کانگ اور مکاؤ کے خصوصی انتظامی علاقوں میں داخلے پر پابندی لگا دی ہے۔
مین لینڈ نے اپنے اداروں اور افراد کو دونوں تنظیموں کے ساتھ کسی بھی قسم کے تعاون سے منع کردیا ہے۔
