شِنہوا پاکستان سروس
چینی مین لینڈ کی جانب سے تائیوانی ہم وطنوں کی آمدورفت کو آسان بنانے کے اقدامات متعارفتازترین
November 06, 2023
بیجنگ (شِنہوا) چینی مین لینڈ نے تائیوانی ہم وطنوں کے لیے مین لینڈ میں آمدورفت کے حوالے سےکئی پالیسیاں متعارف کرائی ہیں،جس کا مقصد آبنائے پار مربوط ترقی کو مزید مستحکم کرنے سمیت صوبہ فوجیان اور تائیوان کے درمیان عملے کے تبادلے کو بڑھانا اور تائیوانی ہم وطنوں کی رہائش اور روزمرہ زندگی کو آسان بنانا ہے۔
وزارت پبلک سیکورٹی کے ایگزٹ اینڈ انٹری کے انتظامی ادارے کی طرف سے جاری کردہ پالیسیاں 10 مخصوص اقدامات پر مشتمل ہیں جو یکم جنوری 2024 سے نافذ العمل ہوں گی۔ چین نے ستمبر میں آبنائے پار مربوط ترقی کے لیے فوجیان کو ایک ڈیمانسٹریشن زون بنانے کے لیے ایک سرکلر جاری کیا تھا۔ نئی پالیسیاں آبنائے پار مربوط ترقی کو مضبوط کرنے کے لیے مین لینڈ کے تازہ ترین اقدامات میں شامل ہیں۔ نئی پالیسیوں کے مطابق، تائیوان کے رہائشیوں کے لیے مین لینڈ میں داخل ہونے یا واپس جانے کے لیے سفری اجازت ناموں کے لیے درخواست کے عمل کو آسان بنایا جائے گا اور اضافی ایپلیکیشن چینلز متعارف کرائے جائیں گے۔
متعلقہ خبریں
