ماؤنٹ چو اویو بیس کیمپ، تبت (شِنہوا)  18 ارکان پر مشتمل ایک چینی مہم جو ٹیم دنیا کی چھٹی بلند ترین چوٹی پر سائنسی تحقیق کرنے کے لیے اتوار کی صبح ماؤنٹ چو اویو کی چوٹی پر پہنچ گئی۔

یہ پہلا موقع ہے جب چینی سائنس دانوں نے دنیا کی بلند ترین چوٹی ماؤنٹ قومولانگما کے علاوہ 8 ہزار میٹر سے زیادہ بلندی پر چوٹی سر کی ہے۔

چین ۔نیپال سرحد پر واقع ماؤنٹ چو اویو دنیا کا چھٹا بلند ترین پہاڑ ہے جس کی اونچائی 8201 میٹر ہے۔

چائنیز اکیڈمی آف سائنسز کے ماہر تعلیم یاؤ ٹنڈونگ نے کہا کہ یہ مہم انتہائی اونچائی والے علاقوں میں جامع سائنسی تحقیق کو مئو ثر طریقے سے منظم کرنے اور انجام دینے کی چین کی صلاحیت کی نشاندہی کرتی ہے۔

مہم جو ٹیم جمعہ کے روز 5700 میٹر کی اونچائی پر واقع  کیمپ سے روانہ ہوئی۔