ہاربن (شِنہوا) چین کے نائب وزیر اعظم ژانگ گوچھنگ نے چین کے شمال مشرقی صوبہ حئی لونگ جیانگ میں معائنے کے دوران گزشتہ ہفتے ملک میں بارشوں اور سیلاب سے تباہی کے بعد ہلاکتوں اور املاک کے نقصانات کو کم سے کم کرنے کی کوششوں پر زور دیا ہے۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ژانگ نے ہفتہ اور اتوار کے روز فرنٹ لائن پر سیلاب پر قابو پانے کے کام کی ہدایت کی اور مقامی رہائشیوں کی منتقلی کی جانچ پڑتال کرتے ہوئے پانی کی سطح کا معائنہ کیا۔
ژانگ نے کہا کہ لاپتہ اور پھنسے ہوئے لوگوں کی تلاش اور بچاؤ کے لئے مزید پیشہ ور انہ دستوں کو تعینات کیا جانا چاہئے اور اس کے لئے کوئی کسر نہیں چھوڑی جانی چاہئے۔
ژانگ نے کہا کہ مقامی حکام آبی ذخائر میں پانی کی سطح کو کم کرنے کی کوشش کرتے ہوئے حفاظتی پشتوں کو مضبوط بنائیں اور متاثرہ علاقوں کے رہائشیوں کو فوری طور پر نکالیں۔ مواصلات، نقل و حمل، بجلی اور پانی کی سہولیات کو تیزی سے بحال کیا جائے تاکہ لوگوں کی زندگی جلد از جلد معمول پر آسکے۔
