شنگھائی(شِنہوا) چین کے نائب وزیر اعظم ژانگ گوچھنگ نے اہم شعبوں میں بنیادی ٹیکنالوجیز میں کامیابیوں کے حصول اور پیداوار کو ہائی اینڈ، اسمارٹ اور سبز شعبے میں تبدیل کرنے کی کوششوں کو تیز کرنے پر زور دیا ہے تاکہ حقیقی معیشت کی معاونت سے جدید صنعتی نظام کی تعمیر میں مدد مل سکے۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن ژانگ نے یہ بات اتوار سے منگل تک پیداوار کے شعبے کی ترقی پر شنگھائی کے تحقیقی دورے کے دوران کہی۔
تین روزہ دورے کے دوران ژانگ نے سیٹلائٹ نیوی گیشن ، تجارتی ہوائی جہاز ، نئی توانائی کی گاڑیوں ، بھاری گیس ٹربائن ، اور مربوط سرکٹس میں مہارت رکھنے والے پیداواری اداروں کا دورہ کیا اور صنعتی جدت سازی میں ان کی تازہ ترین ترقی کے بارے میں معلومات حاصل کیں۔
ژانگ نے کہا کہ پیداوار ایک ملک کی تعمیر کی تمام کوششوں کی بنیاد ہے۔ انہوں نے پیداوار کی اعلیٰ معیار کی ترقی کو اولین ترجیح دینے پر زور دیا۔
نائب وزیراعظم نے پیداوار کی اعلیٰ معیار کی ترقی میں جدت سازی کے کردار اور کلیدی شعبوں میں بنیادی ٹیکنالوجیز میں پیشرفت کے حصول اور صنعتی اور سپلائی چینز کی تعمیر کے لیے مشترکہ کوششوں پر زور دیا جو محفوظ، خود کفیل اور بہتر کنٹرول میں ہوں۔
پیداوار اور انفارمیشن ٹیکنالوجی کی نئی نسل کے مابین انضمام کو گہرا کرنے ، اسمارٹ ، ذہین اور سبز پیداوار کو فروغ دینے اور روایتی پیداواری صنعتوں کی تبدیلی اور اپ گریڈنگ کو تیز کرنے کے لئے کوششیں کی جانی چاہئیں۔
ژانگ نے ابھرتے ہوئے اسٹریٹجک شعبوں کو فروغ دینے اور مضبوط بنانے ، چین کی صنعتی بنیاد کو بہتر بنانے اور صنعتی چین کو جدید بنانے پر بھی زور دیا۔
