ہانگ کانگ (شِنہوا) ہانگ کانگ خصوصی انتظامی علاقے (ایچ کے ایس اے آر) میں چینی وزارت خارجہ کے کمشنر دفترنے امریکی محکمہ خارجہ اورامریکی اوربرطانوی سیاست دانوں کے ایچ کے ایس اے آرمیں کچھ عدالتی مقدمات پرغیر ذمہ دارانہ تبصروں پر سخت ناپسندیدگی کا اظہار کرتے ہوئے انہیں سختی سے مستردکردیا ہے۔

بیرونی قوتوں سے فوری طورپر ہانگ کانگ کے معاملات میں مداخلت بند کرنے کامطالبہ کرتے ہوئے ترجمان نے کہا کہ انہوں نے چین مخالف جمی لائی کے لیے حمایت کا اظہارکرتے ہوئے ہانگ کانگ میں قومی سلامتی کے قانون کی توہین کی۔  ترجمان نے کہا کہ قانون کی حکمرانی کی بنیاد قانون کی پاسداری، قانون پر عمل درآمد اور قانون شکنی کرنے والوں کا احتساب ہے۔ ترجمان نے کہا کہ  ہانگ کانگ میں چین مخالف تخریبی سرگرمیوں کے منصوبہ ساز اور ان کو ہوا دینے کے طور پر، اور امریکہ اور کچھ دوسرے مغربی ممالک کی چین مخالف قوتوں کے "ایجنٹ" اور "موہرے " کے طورپر،لائی نے غیرملکی مداخلت پرفخر کیا،سیاسی نظام کو کمزور کرنے کی کوشش کی،علیحدگی پسندانہ تبصروں کوفروغ دیا اور ہانگ کانگ کے 70 لاکھ سے زیادہ باشندوں کے بنیادی مفادات کی قیمت پر غیر ملکی پابندیوں کا مطالبہ کیا۔