بیجنگ(شنہوا) چین کی ریاستی کونسل کے وزیر اعظم لی چھیانگ بھارتی حکومت کی دعوت پر 9 سے 10 ستمبر تک نئی دہلی میں منعقد ہونے والے 18ویں جی 20 سربراہ اجلاس میں شرکت کریں گے۔

چینی وزارت خارجہ کی ترجمان ماؤ ننگ نے پیر کوایک بیان میں کہا کہ ایک ایسے وقت میں جب عالمی معیشت تنزلی کی طرف بڑھتے ہوئے دباؤ کا شکار ہے اور عالمی پائیدار ترقی کو مزید مشکلات کا سامنا ہے ،جی ٹوئنٹی کوبین الاقوامی اقتصادی تعاون کے مرکزی فورم کے طور پر شراکت داری کو مضبوط کرتے ہوئے بین الاقوامی معیشت اور ترقی میں نمایاں چیلنجوں سے نمٹنے کے لیے مل کر کام کرنا چاہیئے اور عالمی معیشت کی بحالی  اورعالمی پائیدار ترقی کو فروغ دینے میں مثبت کردار ادا کرنا چاہیئے۔

ماؤننگ نے مزید کہا کہ چین کو امید ہے کہ نئی دہلی میں ہونے والی جی ٹوئنٹی سربراہ کانفرنس ان مقاصد پر اتفاق رائے پیدا کرتےہوئے اعتماد سازی کی فضا پیدا کرے گی اور مشترکہ طور پر خوشحالی اور ترقی کو فروغ دے گی۔