بیجنگ(شِنہوا)کمیونسٹ پارٹی آف چائنہ کی مرکزی کمیٹی کے سیاسی بیورو کے رکن اور وزیر خارجہ وانگ یی امریکی وزیر خارجہ انتھونی بلنکن  کی دعوت پر 26 سے 28 اکتوبر تک امریکہ کا دورہ کریں گے۔

 وزارت خارجہ کی  ترجمان ماؤ ننگ نے منگل کو روزانہ کی پریس بریفنگ میں بتایا کہ وانگ امریکہ کے سینئر حکام کے ساتھ دو طرفہ تعلقات، باہمی دلچسپی کے بین الاقوامی اور علاقائی مسائل پر تفصیی تبادلہ خیال اور امریکہ میں زندگی کے تمام شعبوں سے تعلق رکھنے والے لوگوں کے ساتھ دوستانہ ملاقاتیں کریں گے،اور وہ اپنے دورے کے دوران چین امریکہ تعلقات پر چین کے اصولی موقف اورجائز تحفظات کا اظہار کریں گے۔

چینی ترجمان نے امید ظاہر کی کہ  امریکہ  دونوں سربراہان مملکت کے درمیان طے پانے والے اہم اتفاق رائے کو عملی جامہ پہنانے، رابطوں اور مکالمے کو مضبوط بنانے، عملی تعاون کو وسعت ، اختلافات کو مناسب طریقے سے حل کرنے اور دوطرفہ تعلقات کو مستحکم اور مضبوط ترقی کی راہ پر لانے کے لیے چین کے ساتھ مل کر کام کرے گا۔