بیجنگ (شِنہوا) چینی وزیر خارجہ وانگ یی نے بیجنگ میں امریکی سفارت خانے میں جا کر سابق امریکی وزیر خارجہ ہنری کسنجر کے انتقال پر تعزیت کااظہار کیا۔

کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کے رکن اور سی پی سی کی مرکزی کمیٹی کے خارجہ امور کمیشن دفتر کے ڈائریکٹر وانگ نے تعزیتی کتاب میں  اپنے تاثرات تحریر کیے اور ڈاکٹر کسنجر کے انتقال پر گہرے دکھ کا اظہار کیا۔ وانگ نے  کہا کہ ڈاکٹر کسنجر چینی عوام کے دیرینہ دوست تھے اور چینی عوام چین-امریکہ  تعلقات کو معمول پر لانے میں ان کی تاریخی خدمات کو یاد رکھیں گے۔ وقت نے ثابت کیا  کہ اس وقت ڈاکٹر کسنجر اور چینی رہنماؤں نے جو سیاسی فیصلہ کیا وہ دونوں ملکوں کے بنیادی مفادات، وقت کے رجحان اور عالمی برادری کی توقعات کے عین مطابق تھا۔