بیجنگ(شِنہوا) چین کے ریاستی کونسلر اور وزیر خارجہ چھن گانگ سے منگل کو بین الاقوامی سول ایوی ایشن آرگنائزیشن (آئی سی اے او) کے سیکرٹری جنرل جوآن کارلوس سالزار نے بیجنگ میں ملاقات کی۔ ملاقات کے دوران چھن نے کہا کہ ہوائی نقل و حمل کے ایک بڑے ملک کی حیثیت سے چین ٹھوس اقدامات کے ذریعے سول ایوی ایشن کے شعبے میں بین الاقوامی تعاون کی حمایت اوراسے فروغ دیتے ہوئے بین الاقوامی شہری ہوابازی کی محفوظ، منظم اور صحت مند ترقی میں مثبت کردار ادا کررہاہے۔ چینی وزیرخارجہ نے کہا کہ چین کے مجوزہ بیلٹ اینڈ روڈ منصوبے اور گلوبل ڈویلپمنٹ انیشیٹو آئی سی اے او کے اقدام "کسی ملک کو پیچھے نہیں چھوڑا جائے گا" کے ساتھ انتہائی مطابقت رکھتا ہے، اور یہ کہ آئی سی اے او کا متعلقہ اقدامات میں فعال طور پر حصہ لینے کا خیرمقدم کرتے ہیں۔
چھن نے اس بات پر زور دیا کہ تائیوان کا مسئلہ چین کے بنیادی مفادات میں مرکزی حیثیت کا حامل ہے، اور آئی سی اے او کی سرگرمیوں میں تائیوان کی شرکت کے بارے میں چین کا موقف مستقل اور واضح ہے، اسے ایک چین کے اصول کے مطابق ہینڈل کیا جانا چاہیے۔
