ووہان (شِنہوا) چینی وزیراعظم لی چھیانگ نے وسطی صوبے ہوبے کے معائنے کے دوران نئی پیداواری قوتوں کے فروغ ، اعلی معیار کی ترقی میں پیشرفت اور رواں سال کی معاشی سرگرمیوں کے بہتر آغاز کے لئے مزید کوششوں پر زور دیاہے۔
وزیراعظم لی چھیانگ نے اپنے دورے میں دریائے یانگسی اقتصادی پٹی میں اعلیٰ معیار کی ترقی اور مرکزی اقتصادی ورک کانفرنس میں منظور کردہ انتظامات پر عمل درآمد پر بھی زور دیا۔
لی نے ین چھانگ شہر کے دورے میں گی ژوبا ڈیم کا دورہ کیا جہاں انہوں نے دریائے یانگسی کے تحفظ ، تھری گورجز آبی گزرگاہ اور ایک نئی نہر کی منصوبہ بندی کے بارے میں معلومات حاصل کیں۔
انہوں نے کہا کہ دریائے یانگسی میں جہاز رانی، تحفظ آب ، ماحولیات اور ثقافتی سیاحت کے فوائد اجاگر کرنے کے لئے مزید کام کرنا چاہئے۔
لی نے مقامی کاروباری اداروں پر زور دیا کہ وہ تکنیکی اختراع میں پیشرفت کرکے صنعتی اور ویلیو چینز کو مسلسل فروغ دیں۔
چینی وزیراعظم لی چھیانگ نے ووہان شہر کے دورے میں فلیش میموری چپ اور لیزر صنعتوں کی ترقی کا معائنہ کیا اور مزید تکنیکی کامیابیوں کو پیداواری صلاحیت میں تبدیل کرنےکے بارے میں اہداف پرمشتمل مزید پالیسی تعاون کا عہد دہرایا۔
لی نے ایک قومی نقشہ ساز اور ریموٹ سینسنگ لیب کے دورے میں محققین کی حوصلہ افزائی کی کہ وہ بنیادی ٹیکنالوجیز میں زیادہ کامیابیاں حاصل کریں اور چین کی تکنیکی خود انحصاری میں مزید ہاتھ بٹائیں۔
چینی وزیراعظم نے ای ژو شہر کا بھی دورہ کیا جہاں انہوں اس نے اس بات کی نشاندہی کی کہ ای ژو ہوا ہو ہوائی اڈے میں بین الاقوامی ہوائی مال برداری مرکز کی حیثیت سے ترقی کے ساز گار حالات اور فوائد موجود ہیں جبکہ انہوں نے ہوائی اڈے پر دریائے یانگسی اقتصادی پٹی کے بہتر استعمال اور ملک کے نئے ترقیاتی طرز عمل پر تعمیر پر بھی زور دیا ۔
چینی وزیراعظم نے ہوبے حکام پر زور دیا کہ وہ فعال اور ٹھوس اقدامات کریں اور اعلیٰ معیار کی ترقی میں نئی کامیابیوں کے ساتھ قومی ترقی میں نیا حصہ ڈالیں۔
