ہا ئیکو (شِنہوا) چین کے وزیر اعظم لی چھیانگ نے  ایک اعلی معیار اور اعلی  درجے کے ہائی نان  آزاد تجا رتی بندرگاہ (ایف ٹی پی) کی تعمیر اور بڑھاپے کی دیکھ بھال اور طبی خدمات کو بہتر بنانے پر زور دیا ہے۔

لی نے یہ بات چین کے جنوبی  صوبہ ہائی نان میں اپنے معائنے کے دوران کہی۔

ہائی نان کے دارالحکومت ہائیکو میں مسافروں کی نقل و حمل کے مرکز کی تعمیر کے مقام پر ، لی نے ادارہ جاتی جدیدیت کو آگے بڑھانے اور کھولنے کی کوششوں پر زور دیا ، اور ہائی نان کو چینی خصوصیات کے ساتھ بین الاقوامی طور پر بااثر ایف ٹی پی بنانے میں تیزی لانے کی کوششوں کا کہا۔

لی نے کہا کہ ہائی نان کو مصنوعی ذہانت، بگ ڈیٹا اور انٹرنیٹ آف تھنگز کا استعمال کرنا چاہئے تاکہ ریگولیٹری صلاحیت کو بہتر بنایا جاسکے اور 2025 کے آخر تک اسے جزیرے بھر میں آزاد کسٹمز آپریشن کے لئے بہتر طور پر تیار کیا جاسکے۔

ایک نرسنگ ہوم کے اپنے دورے کے دوران ، لی نے عمر رسیدہ آبادی کو فعال طور پر  ردعمل  دینے اور بزرگوں کے لئے خدمات کو مضبوط بنانے پر زور دیا ،  اس میں  کمیونٹی پر مبنی خدمات کی تلاش اور بوڑھے لوگوں کی خوراک اور صحت کی دیکھ بھال کی ضروریات کو بہتر طریقے سے پورا کرنا شامل ہے۔

ایک روایتی چینی ادویات ہسپتال میں لی نے کہا کہ ہائی نان کو طبی اور صحت کی خدمات کے نظام کو مضبوط کرنا چاہئے تاکہ لوگ زیادہ آسان اور سستی خدمات سے لطف اندوز ہوسکیں۔

وزیر اعظم نے بیماریوں کی روک تھام اور علاج میں روایتی چینی ادویات کے منفرد فوائد پر بھی روشنی ڈالی۔

لی نے معاشی اور سماجی ترقی میں ہائی نان کی کامیابیوں کو مکمل طور پر تسلیم کیا اور صوبے سے اصلاحات ، کھلے پن اور جدیدیت  میں ایک نیا باب لکھنے کا مطالبہ کیا۔