بیجنگ (شِنہوا) چینی وزیراعظم لی کھ چھیانگ نے یورپی کونسل کے صدر چارلس میشیل سے بیجنگ میں ملاقات کے دوران غیر ملکی کمپنیوں کی جانب سے  چین میں سرمایہ کاری جاری رکھنے کا خیرمقدم کیا ہے۔

لی نے اس ملاقات کے دوران  دونوں جانب  سے ایک دوسرے کے لیے مزید کھلے پن  پر زور دیتے ہوئے کہا کہ چین ہمیشہ کھلے پن  کی اپنی بنیادی ریاستی پالیسی پر قائم رہے گا۔

 انہوں نے کہا کہ  یہ پالیسی مارکیٹ پر مبنی اور قانون پر مبنی بین الاقوامی کاروباری ماحول کو فروغ دیتی رہے گی اور تمام اقسام کی کمپنیوں کے ساتھ یکساں اور منصفانہ سلوک کرے گی ۔

لی نے کہا کہ چین ملک کے  مالیاتی استحکام کو برقرار رکھتے ہوئے اپنے مالیاتی شعبے کو مستقل طور پر کھولے گا اوراہلیت رکھنے والے  غیر ملکی ادارہ جاتی سرمایہ کاروں سے مزید سرمایہ کاری کی حوصلہ افزائی کرے گا۔

انہوں نے کہا کہ چین اپنی  کرنسی رین منبی (آر ایم بی ) کی شرح تبادلہ کے بنیادی استحکام کو برقرار رکھنے اور اسے معقول اور متوازن سطح پر رکھنے کی کوشش کرے گا۔

لی نے کہا کہ چین یورپی یونین کے ساتھ باہمی احترام اور مساوات کی بنیاد پر تعاون کو فروغ دینے اور چین۔ یورپی یونین جامع اسٹریٹجک شراکت داری کی موثر اور مستحکم ترقی کو فروغ دینے کے لیے اختلافات کو مناسب طریقے سےحل کرنے  کے لیے تیار ہے۔ 

لی نے اس بات پر زور دیتے ہوئے کہا کہ چین کو ایک متحد  اور خوشحال یورپی یونین دیکھنے کی امید ہے۔