بیجنگ (شِنہوا) چینی وزیراعظم لی چھیانگ نے  پارٹی طرزعمل کو بہتر بنانے اور ایک صاف ستھری حکومت کی تعمیر کے لیے مسلسل کوششوں پر زور دیا تاکہ ہر لحاظ سے اعلیٰ معیار کی ترقی اور جدید سوشلسٹ ملک کی تعمیر کے لیے ایک اچھی شروعات کی ضمانت فراہم کی جا سکے۔کمیونسٹ پارٹی آف چائنہ (سی پی سی) کی مرکزی کمیٹی کے پولیٹیکل بیورو کی قائمہ کمیٹی کے رکن،وزیر اعظم لی نے ان خیالات کا اظہار کلین گورننس سے متعلق ریاستی کونسل کے اجلاس میں کیا۔ سی پی سی کی مرکزی کمیٹی کے پولیٹیکل بیورو کی قائمہ کمیٹی کے رکن اور  نائب وزیر اعظم ڈنگ شیوشیانگ نے اجلاس کی صدارت کی۔ اجلاس میں سی پی سی کی مرکزی کمیٹی کے پولیٹیکل بیورو کی قائمہ کمیٹی کے رکن اور سی پی سی کے مرکزی کمیشن برائے نظم و ضبط  معائنہ کے سیکرٹری لی شی نے شرکت کی۔ اس بات کا ذکر کرتے ہوئے کہ پارٹی طرز عمل کو بہتر بنانا اور صاف ستھری حکومت کی تعمیر پارٹی کی  مکمل اورسخت سیلف گورننس  کا ایک اہم جزو ہے، لی چھیانگ نے کہا کہ حکومت کواس سیلف گورننس کوآگے بڑھاتے ہوئے  پارٹی طرز عمل کو بہتر بنانے اور صاف ستھری حکومت کی تعمیر کے لیے پرعزم رہنا چاہیے۔