بیجنگ(شِنہوا) چین کے وزیر خارجہ وانگ یی نے بیجنگ میں ہونڈوراس کے وزیر خارجہ ایڈوارڈو رینا سے ملاقات کی۔
کمیونسٹ پارٹی آف چائنہ کی مرکزی کمیٹی کے پولیٹیکل بیورو کے رکن وانگ نے کہا کہ دونوں سربراہان مملکت کی تزویراتی رہنمائی میں چین اور ہنڈوراس کے تعلقات تیزی سے ترقی کر رہے ہیں، جس سے دونوں ممالک کے درمیان سفارتی تعلقات قائم ہونے کے بعد سے وسیع امکانات اور بڑے مواقع پیدا ہوئے ہیں۔
انہوں نے کہا کہ چین ہونڈوراس کے ون چائنہ اصول پر سختی سے عمل پیرا ہونے کو سراہتا اور ہونڈوراس کی اپنی خودمختاری کے تحفظ اور ترقی کے لیے کوششوں اور اس کے آزادانہ طور پر ترقی کے راستے کا انتخاب کرنے کی حمایت کرتا ہے جو اس کے قومی حالات کے مطابق ہے۔
وانگ نے چھٹی چائنہ انٹرنیشنل امپورٹ ایکسپو (سی آئی آئی ای) میں مہمان ملک کے طور پر شرکت کرنے پر ہونڈوراس کا خیرمقدم کیا۔ انہوں نے سی آئی آئی ای میں ملک کی مکمل کامیابی کی خواہش کا اظہار کرتے ہوئے کہا کہ ہنڈوراس کی مصنوعات کے لیے چین میں داخلے کے مزید مواقع پیدا کئے جائیں گے۔
انہوں نے کہا کہ چین ہنڈوراس کے ساتھ بین الاقوامی تعاون کو مضبوط بنانے اور ترقی پذیر ممالک کے جائز مفادات اور بین الاقوامی مساوات اور انصاف کے تحفظ اور چین لاطینی امریکہ فورم کو بہتر بنانے اور چین اور لاطینی امریکہ کے درمیان مجموعی تعاون کو نئی سطح تک پہنچانے کے لیے ہونڈوراس کے ساتھ مل کر کام کرنے کے لیے تیار ہے۔
