بیجنگ(شِنہوا) کمیونسٹ پارٹی آف چائنہ کی مرکزی کمیٹی کے سیاسی بیورو کے رکن، مرکزی کمیشن برائے امور خارجہ دفتر کے ڈائریکٹر اور وزیر خارجہ وانگ یی ہمسایہ سفارت کاری میں چین کے دوستی، خلوص، باہمی مفاد اور شمولیت کے اصولوں کی 10ویں سالگرہ کی یاد میں  منعقدہ بین الاقوامی سمپوزیم کی افتتاحی تقریب میں شرکت اور خطاب کریں گے۔

وزارت خارجہ کی  ترجمان ماؤ ننگ نے جمعہ کو بتایا کہ یہ سمپوزیم 24 اکتوبر کو بیجنگ میں منعقد ہوگا۔

ماؤ نے کہا کہ ہمسایہ ممالک کی سیاسی شخصیات، بین الاقوامی اور علاقائی تنظیموں کے سربراہان، چین میں ہمسایہ ممالک کے سفارتی ایلچی اور معروف ماہرین اور سکالرز آن لائن یا ذاتی حیثیت میں اس سمپوزیم میں شرکت کریں گے۔

ترجمان نے بتایا کہ سمپوزیم میں  "دوستی، خلوص، باہمی مفاد اور شمولیت: نئی جہتیں ،نئی ترقی اور نئے ویژن کے عنوان سے چار ذیلی فورمز کا انعقاد کیا جائے گا جن میں اچھی ہمسائیگی، خلوص، باہمی مفاد، کشادگی اور جامعیت جیسے موضوعات پر تفصیلی تبادلہ خیال کیا جائے گا۔