بیجنگ (شِنہوا)چین کی جانب سے  حال ہی میں خلا میں بھیجے گئےکیریئر راکٹ لانگ مارچ-2ایف وائی 17 کی دوسری منزل کا ملبہ  جمعہ کوصبح 11 بج کر 18 منٹ (بیجنگ وقت )پر زمین کی فضا میں دوبارہ داخل ہوا۔

چائنہ مینڈ اسپیس ایجنسی کے بیان کے مطابق راکٹ  کی اس منزل کا زیادہ ترحصہ زمین کی فضا میں داخل ہوتے وقت جل گیا تھا اور اس کا ملبہ  سمندر میں گر گیا،لینڈنگ ایریا کا مرکز 31.3 درجے جنوب اور 158.4 ڈگری مشرق کے طول بلد پر تھا۔

لانگ مارچ راکٹ، شین ژو-17 انسان بردار خلائی جہازکو لے کر26 اکتوبرکو شمال مغربی  جیوچھوان کے  سیٹلائٹ لانچ سنٹر سے خلا میں بھیجا گیا تھا۔