بیجنگ (شِنہوا) چین کے ریاستی قونصلر شین یی چھن نے مینوفیکچرنگ کے شعبے میں انتہائی ہنر مند افراد کی نشوونما کو ترجیح دینے پر زور دیا ہے تاکہ ہر لحاظ سے جدید سوشلسٹ چین کی تعمیر میں مدد مل سکے۔
شین نے یہ بات بیجنگ میں انتہائی ہنر مند افراد بارے منعقدہ ایک سمپوزیم سے خطاب کرتے ہوئے کہی۔ ریاستی کونسل کی جانب سے انہوں نے چین کے اعلیٰ ترین ہنر مندی ایوارڈز کے فاتحین کو مبارکباد پیش کی۔
شین نے کہا کہ ملک کو ہنر مند ٹیلنٹ کے لئے تشخیص کے نظام کو بہتر کرتے ہوئے اسے شراکت پر مبنی بنانا چاہئے تاکہ جدت سازی کی بہتر حوصلہ افزائی کی جاسکے۔
شین کے مطابق مینوفیکچرنگ، دیہی بحالی اور جدید خدمات سمیت اہم شعبوں میں انتہائی ہنر مند ٹیلنٹ تیار کرنے کے لئے کوششوں پر توجہ دینی چاہئے۔
انہوں نے محنت اور مہارت کے لئے احترام کا ماحول پیدا کرنے پر بھی زور دیا اور ہنر مند ٹیلنٹ سے درخواست کی کہ وہ زیادہ سے زیادہ لوگوں کو ان کے نقش قدم پر چلنے کی ترغیب دیں۔
