بیجنگ(شِنہوا) چینی سائنس دان تیان گونگ خلائی اسٹیشن پر ایک ایکسو-ایکو سسٹم خلائی تجربہ کریں گے، تجربے کا مقصد خلاء میں جرثوموں کی زندہ رہنے کی صلاحیت کومعلوم کرنا ہے۔
تسنگھوا یونیورسٹی، چین کی اکیڈمی آف سائنسز کے انسٹی ٹیوٹ آف مائیکرو بیالوجی، شنگھائی انسٹی ٹیوٹ آف ٹیکنیکل فزکس اور دالیان میری ٹائم یونیورسٹی کے سائنسدانوں کی جانب سے مشترکہ طور پر ڈیزائن کردہ چائنہ ایکوسسٹم خلائی تجربہ (سی ایچ ای ای ایس ای) کے ذریعے خلا بشمول مائکروگریوٹی، ویکیوم، یووی تابکاری اورانتہائی درجہ حرات کے ماحول میں جرثوموں کے زندہ رہنے کی صلاحیت کا جائزہ لیا جائے گا۔
اس سے متعلقہ تحقیق جریدے نیچر آسٹرونومی میں شائع ہوئی ہے ۔ سائنس دانوں کا خیال ہے کہ خلائی اسٹیشنز زمین سے باہر زندگی کے امکان کو تلاش کرنے کے لیے ایسے تجربات کرنے کا منفرد مواقع فراہم کرتے ہیں۔
تسنگھوا یونیورسٹی کے شعبہ ارتھ سسٹم سائنس کے پروفیسر لیو ژو کے مطابق، سی ایچ ای ای ایس ای پروجیکٹ کے پہلے مرحلے کا مقصد یہ جانچنا ہے کہ آیا میتھین پیدا کرنے والے مائکروجرثومے، یا میتھانوجینز، خلائی اسٹیشن کے اندر اور باہر کے ماحول میں زندہ رہ سکتے ہیں یا نہیں۔
