بیجنگ (شِنہوا) چینی سائنس دانوں نے سیکوئینس کنٹرولڈ گلائیکولیگومرز بنانے ایک ایسا طریقہ تیار کیا ہے جو ٹیومرکو ہدف بنانے کی کارکردگی میں اضافہ کرتا ہے۔
چینی اکیڈمی آف سائنسز، ہائی نان یونیورسٹی اور دیگر اداروں کے ماتحت شین ژین انسٹی ٹیوٹ آف ایڈوانسڈ ٹیکنالوجی (ایس آئی اے ٹی) کے محققین کی یہ تحقیق جرنل سیل رپورٹس فزیکل سائنس میں شائع ہوئی ہے۔
تحقیق کے مطابق مختلف اقسام کے سرطان صحت مند خلیوں کے مقابلے میں تیزرفتاراور زیادہ کاربوہائیڈریٹ حاصل کرتے ہیں۔یہ بنیادی طور پر واربرگ اثرات اورسرطان کے خلیوں کی سطح پر گلوکوز ٹرانسپورٹرز کے زائد موجودگی جیسے عوامل کے سبب ہے جس سے سرطان کو نشانہ بنانے کے لئے کاربوہائیڈریٹ اجزاء تشکیل پاتے ہیں لہذا ، کاربوہائیڈریٹس پر توجہ مرکوز کرنا سرطان کے منتخب علاج اور تشخیص کے لئے ایک قابل عمل نقطہ نظر پیش کرتا ہے۔
محققین نے دریافت کیا ہے کہ سنتھیسائزڈ گلائیکولیگومرز گلوکوز ٹرانسپورٹرز کے ساتھ منسلک ہونے کی خاصیت کا حامل ہے اورسرطان کے خلیات کی سمت خاص رجحان رکھتا اور اس نے آزمائش کے دوران ٹیومر کو نشانہ بنانے کی مؤثر صلاحیتوں کا مظاہرہ کیا ہے۔
تحقیق کے مطابق سرطان کے خلیات کی طرف سے سنتھیسائزڈ گلائیکولیگومرز کی افزائش زیادہ ترصحت مند خلیوں کی نسبت نمایاں طور پر زیادہ پائی گئی ہے۔ .
اس کے بعد اس تحقیق میں گلائیکولیگومرز کی ٹیومر کو ہدف بنانے کی صلاحیت کو بہتر بنانے کی ترتیب کو تلاش کیا گیا۔
ایس آئی اے ٹی کے ایک محقق گینگ جن نے بتایا کہ گلائیکولیگومرز بنانے کا طریقہ بائیومیڈیکل استعمال میں بہت حوصلہ افزا ہے جس میں سرطان کی درست تشخیص اور علاج شامل ہے۔
