بیجنگ (شِنہوا) چینی سائنس دانوں نے انتہائی مؤثر ٹیومر تھراپی کے لیے گرافین کوانٹم ڈاٹس (جی کیو ڈیز) پر مبنی دھات سے پاک نینوزائم متعارف کرایا ہے۔

چینی اکیڈمی آف سائنسز کے ہیفے انسٹی ٹیوٹ آف فزیکل سائنس کی سربراہی میں ایک تحقیقی گروپ کی یہ تحقیق جرنل میٹر میں شائع ہوئی۔

تحقیق کے مطابق جی کیو ڈیز ٹیومر کیموڈائنامک تھراپی (سی ڈی ٹی) میں ایک امید افزا اور کم خرچ طریقہ کار ہے۔ تاہم جی کیو ڈیز کی محدود کیٹالیٹک سرگرمی نے ان کے کلینیکل اطلاق میں کافی مسائل پیدا کئے جس میں چیلنجنگ کیٹالیٹک کنڈیشن قابل ذکرہے۔

محقیقن نے جی کیو ڈی پر مبنی نینو کیٹالیٹک ایڈجووینٹ کی کیٹالیٹک کارکردگی کو بڑھانے میں ڈائٹومک ڈوپنگ حکمت عملی کا استعمال کرتے ہوئے جی کیو ڈیز ڈیزائن کیا۔

تحقیق کے دوران جی کیو ڈیز کو متاثر کن پیروکسیڈیز کی نقل کرتی سرگرمی کا حامل پایا گیا جس سے یہ نتیجہ اخذ کیا گیا کہ جی کیو ڈیز ویڑو میں سرطان کے خلیوں کے اپوپٹوسس اور فیروپٹوسس کو ترغیب دینے میں انتہائی مؤثر ہیں۔

وہ ٹیومر کو بھی ہدف کرکے نشانہ بناتے ہیں جس میں ٹیومر کی روک تھام کی شرح 77.71 فیصد انٹریوینس انجکشن کے لئے اور 93.22 فیصد انٹرا ٹیومرل انجکشن کے لئے زیادہ ہوجاتی ہے اور اس کے کوئی سائیڈ ایفکٹ نہیں ہوتے۔

تحقیقی ٹیم کے ایک رکن لیوہونگ جی نے بتایا کہ حاصل کردہ جی کیو ڈیز کچھ سائیڈ ایفکٹ کے ساتھ ٹیومر کے علاج میں انتہائی مؤثر ہیں۔ یہ خون کے سرخ خلیوں کی جھلیوں سے بنائے گئے تھے۔

لیو نے مزید کہا کہ اس کا ایک فائدہ یہ ہے کہ وہ دھات سے پاک ہیں۔ اس کے علاوہ یہ بہترین پیروکسیڈیز جیسے بائیو کیٹالسٹس کے طور پر کام کرتے ہیں۔

تحقیق کے مطابق یہ ڈرگ فری،اہداف پر مبنی اور حیاتیاتی طور پر نرم نینوزائم سرطان کے محفوظ علاج میں استعمال کے لیے ایک طاقتور بائیو کیٹالسٹ کی بڑی صلاحیت رکھتا ہے۔