شنگھائی (شِنہوا) چین کے محققین قمری لاوا ٹیوبوں میں ایک محفوظ، مستحکم اور طویل مدتی پناہ گاہ کے قیام کے امکان پرتحقیق کر رہے ہیں۔

چاند کی پیدائش کے بعد ابتدائی دنوں کے دوران، جب لاوے کی اوپری سطح ٹھنڈی اور سخت ہوگئی تھی ، پگھلی ہوئی چٹانوں نے نیچے اپنا بہاؤ جاری رکھا تھا جس سے نسبتاً مستحکم اور چپٹی کھوکھلے پائپ کی شکل میں سرنگیں بن گئی تھیں۔

شنگھائی اکیڈمی آف اسپیس فلائٹ ٹیکنالوجی کے ژانگ چھونگ فینگ نے کہا کہ برسوں کی ارضیاتی سرگرمیوں، اثرات کے واقعات اور چاند پرزلزلوں کے ساتھ، کچھ لاوا ٹیوبیں گرنے کے بعد قابل رسائی "اسکائی لائٹس" بنی تھیں ، جس سے چاند کی زیر زمین دنیا کو جانے کا ایک موقع ملتا ہے۔

چین کے شینژو سیریز خلائی جہازوں اورقمری لینڈرز کے نائب چیف ڈیزائنرژانگ نے حال ہی میں شنگھائی میں منعقدہ 10ویں سی ایس اے-آئی اے اے کانفرنس میں ایڈوانسڈ اسپیس ٹیکنالوجی میں اس تحقیق کو متعارف کرایا۔

انہوں نے کہا کہ لاوا ٹیوبیں چاند کی سطح کے سخت ماحول سے محفوظ ہیں، جہاں پر درجہ حرارت انتہائی زیادہ ہے اور تابکاری اور مائیکرو میٹرائٹ کے اثرات موجود رہتے ہیں۔