بیجنگ(شِنہوا)  چینی سائنسدانوں نے ارتقائی جینومکس کا استعمال کرتے ہوئے آلو کی ہائبرڈ قسم کی افزائش میں نئی پیش رفت کی ہے،جس سے افزائش کے عمل کو مختصر کرنے اور آلو کی زیادہ اور بہتر اقسام پیدا کرنے میں مدد مل سکتی ہے۔ چین کی اکیڈمی آف ایگریکلچرل سائنسزکے ذیلی ادارے شین ژین کےایگریکلچرل جینومکس انسٹی ٹیوٹ کی تحقیقی ٹیم کی طرف سے یہ پیش رفت، سائنسی جریدے سیل کے تازہ شمارے میں آن لائن شائع ہوئی ہے۔ آلو خوراک کی سب سے اہم بصلہ فصل اور چین سمیت دنیا کے بیشتر ممالک کی اہم فصلوں میں سے ایک ہے۔ تحقیقی ٹیم کے رکن وو یاؤیاؤ نے کہا کہ دیگر اہم فصلوں کے مقابلے میں آلو کو کم پانی کی ضرورت اور اسے وسیع علاقوں میں اگایا جا سکتا ہے۔ وو نے کہا کہ تاہم آلو کی نئی قسم کی افزائش میں بہت زیادہ وقت لگتا ہے۔ مکڈونلڈز کے فرائز کے لیے استعمال ہونے والی آلو کی قسم 120 سال پہلے پیدا کی گئی تھی۔