چھینگڈو (شِنہوا) چینی سائنسدانوں نے ایک ذہین روبوٹک موبائل کمپیوٹڈ ٹوموگرافی (سی ٹی) ڈیوائس تیار کی ہے جو تشویشناک صورتحال سے دوچار مریضوں کو بڑی سہولت فراہم کر سکتی ہے۔

روبوٹک موبائل سی ٹی، پیچیدہ اور استعمال میں مشکل  سی ٹی کے مقابلے میں 135 سینٹی میٹر لمبی اور 260 کلوگرام وزنی ہے۔ اس میں کم تابکاری اور توانائی کی کھپت بھی کم ہوتی  ہے، اور اس کا تجربہ سیچھوان کے صوبائی پیپلز اسپتال میں پہلے ہی کیا جا چکا ہے۔

اسپتال اور یونیورسٹی آف الیکٹرانک سائنس اینڈ ٹیکنالوجی آف چائنہ کے محققین کو اس ڈیوائس کی تیاری میں دس سال کا عرصہ لگا ہے ، جس میں مین مشین ڈائیلاگ، وائس کنٹرول، روٹ پلاننگ اور کسی بھی قسم کی رکاوٹ سے بچنے جیسے خودکار افعال شامل ہیں۔

تحقیقی ٹیم کے چیف ایکسپرٹ شو روشیانگ نے بتایا کہ ڈیوائس ہدایات ملنے پر خود بخود مریض کے بستر پر جا کر معائنہ اور نتائج کو ایک ہی وقت میں اپ لوڈ کرسکتی ہے۔

شو نے مزید کہا کہ ماضی میں، اس کے برعکس  نازک حالت کے مریضوں کو سی ٹی اسکین کے کمرے میں لے جانے کے لیے تین سے چار افراد کی مدد کی ضرورت ہوتی تھی۔