بیجنگ (شِنہوا) چینی برانڈ کی مسافر کاروں کی فروخت رواں سال کے ابتدائی 10 ماہ کے دوران گزشتہ برس کی نسبت 22.2 فیصد اضافے سے تقریباً 1 کروڑ 14 لاکھ 30 ہزار یونٹس رہی۔

چائنہ ایسوسی ایشن آف آٹوموبائل مینوفیکچررز کے مطابق اس عرصے میں ان گاڑیوں کا مارکیٹ حصہ 55.3 فیصد تک پہنچ گیا جو 2022 کی اسی مدت کے مقابلے  میں 6.6 فیصد پوائنٹس زائد ہے۔

چین میں صرف اکتوبر کے دوران 14 لاکھ 90 ہزار مقامی ساختہ مسافر گاڑیاں فروخت ہوئیں جو گزشتہ برس کی نسبت 25.1 فیصد اضافہ ہے۔

اعداد و شمار کے مطابق یہ فروخت گزشتہ ماہ ملک کی کل مسافر گاڑیوں کی فروخت کا 59.7 فیصد تھی جو ایک برس قبل کے مقابلے میں 6.6 فیصد پوائنٹس زائد ہے۔