بیجنگ/باؤدنگ،ہیبے (شِنہوا) چین کے صدر،کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے بیجنگ اور ہیبے کے صوبے میں موسم گرما میں آنے والے سیلاب سے متاثرہ علاقوں کا دورہ کیا۔
صدر شی نے سیلاب کے بعد کی تعمیر نو کی مسلسل کوششوں پر زور دیا تاکہ مقامی لوگ آرام دہ زندگی گزار سکیں اور موسم سرما کی شدت سے محفوظ رہ سکیں۔
صدر شی نے عوام پر مبنی نقطہ نظر کو برقرار رکھنے اور تحفظ کے اقدامات میں موجود خامیوں کو دور کرنے اور کمزور روابط کو مضبوط بنانے کے لیے دوگنا کوششوں پر زور دیا۔ انہوں نے سیلاب سے بچاؤ کے منصوبوں اور ہنگامی انتظامات کے نظام کو بہتر بنانے اور آفات سے بچاؤ، تخفیف اور امدادی صلاحیتوں میں مسلسل اضافے پر زور دیا۔
