بیجنگ(شِنہوا) چینی صدر شی جن پھنگ نے چین-امریکہ ایوی ایشن ہیریٹیج فاؤنڈیشن کے چیئرمین جیفری گرین اور فلائنگ ٹائیگرز کے سابق فوجی ہیری موئیر اور میل میک مولن کے خط کا جواب دیا۔ 12 ستمبرکو اپنے جوابی خط  میں صدر شی نے اس امید کا اظہار کیا کہ فلائنگ ٹائیگرز کا جذبہ چینی اور امریکی عوام میں نسل در نسل جاری رہے گا۔ چینی صدرنے اپنے خط میں کہا کہ انہیں چین-امریکہ ایوی ایشن ہیریٹیج فاؤنڈیشن اور فلائنگ ٹائیگرز کے سابق فوجیوں میں پائے جانے والے زبردست جوش و خروش سے بہت خوشی ہوئی ہے کہ انہوں نے گزشتہ برسوں کے دوران مزید چینی اورامریکیوں کو فلائنگ ٹائیگرز کی کہانیوں سے آگاہ کیا۔ اس سے متاثر ہوکر، زیادہ سے زیادہ نوجوان امریکی فلائنگ ٹائیگرز فرینڈشپ سکولز اور یوتھ لیڈرشپ پروگرام میں شامل ہوئے اور فلائنگ ٹائیگرز کے تقریباً 500 سابق فوجیوں اور ان کے خاندان کے کئی سو افراد نے چین کا دورہ کیا ۔ میں ان  کوششوں پر آپ کو خراج تحسین پیش کرتا ہوں۔

انہوں نے کہا کہ ماضی میں، دونوں ممالک کے عوام نے مل کر جاپانی فاشزم کا مقابلہ کیا، اور ایک مضبوط دوستی قائم کی جس نے خون اور آگ کے امتحان کا مقابلہ کیا۔ مستقبل میں، دونوں بڑے ممالک کو عالمی امن، استحکام اور ترقی کے لیے اور بھی اہم ذمہ داریاں  نبھانا ہوں گی۔