سان فرانسسکو (شِنہوا) چینی صدر شی جن پھنگ نے چین۔ امریکہ کے ما بین تعلقات میں عوام کے کردار پر زور دیا ہے۔
امریکہ میں دوست تنظیموں کی جانب سے ایک استقبالیہ عشائیہ میں چینی صدر نے کہا کہ چین ۔ امریکہ تعلقات کی بنیاد ہمارے عوام نے رکھی ہے۔ تعلقات کے دروازے ہمارے عوام نے کھولے اور اس کی داستانیں ہمارے عوام نے لکھی ہیں۔ اس لئے چین ۔ امریکہ تعلقات کا مستقبل ہمارے عوام ہی تخلیق کریں گے۔
انہوں نے کہا کہ ہمیں مزید پل تعمیر کرنا اور افراد کے درمیان رابطے کے لئے مزید سڑکیں ہموار کرنی چا ہئیں، ہمیں رکاوٹیں کھڑی نہیں کرنی چا ہئیں اور نہ ہی کوئی خوفناک اثرات پیدا کرنے چا ہئیں۔
چینی صدر نے کہا کہ انہیں یقین ہے کہ چین ۔ امریکہ تعلقات کے دروازے کھلنے کے بعد دوبارہ بند نہیں کیے جا سکتے اور چین۔ امریکہ دوستی کا مقصد شروع ہونے کے بعد آدھے راستے پر ختم نہیں کیا جاسکتا۔
