بیجنگ (شِنہوا) چین کے صدر شی جن پھنگ نے 2023 چائنہ بین الاقوامی میلہ برائےتجارتی خدمات سے بذریعہ ویڈیو خطاب کیا۔ اس کے ذریعے دنیا کی دوسری سب سے بڑی معیشت اپنے خدمات کے شعبے میں کھلے پن اور عالمی معیشت کی بحالی کے فروغ میں تعاون مضبوط بنانے  کے حوالے سے ایک قدم آگے بڑھ گئی ۔

چینی صدر شی جن پھنگ نے اپنے خطاب میں کہا کہ آج دنیا کو ایک صدی میں نظر نہ آنے والی تیز رفتار تبدیلیوں اور سست معاشی بحالی کا سامنا ہے۔

چینی صدر نے خدمات تجارت کو عالمی تجارت کا اہم جزو قرار دیتے ہوئے اقوام کے درمیان اقتصادی و تجارتی تعاون میں خدمات کے شعبے بارے اہم کردار کو اجاگر کیا۔

انہوں نے خدمات اور خدمات کے شعبے کی تجارت میں عالمی تعاون کو وسیع کرنے پر روشنی ڈالی۔

چینی صدر کے مطابق ڈیجیٹل پر مبنی ، اسمارٹ اور سبز ترقی کے تیز رفتار عمل، اور بڑھتی ہوئی نئی ٹیکنالوجیز کے ساتھ ساتھ نئی کاروباری اشکال اور ماڈلز سے اقتصادی عالمگیریت کو آگے بڑھانے، عالمی ترقی کی بحالی اور عالمی اقتصادی ترقی کی لچک میں اضافے کو مضبوط تحریک ملے گی۔

چینی صدر نے اس بات کا خاص طور پر ذکر کیا ہے کہ رواں سال چین کی اصلاحات اور کھلے پن کی 45 ویں سالگرہ ہے۔

انہوں نے اعلیٰ معیار کی ترقی سے تمام محاذوں پر اعلیٰ معیار کے کھلے پن کے فروغ اور چینی جدیدیت کو آگے بڑھانے میں ملک کے عزم کا اعادہ کیا جس سے تمام ممالک کو کھلے پن اور تعاون کے نئے مواقع ملیں گے ۔

چینی صدر نے کہا کہ خدمات شعبے کی ترقی اور خدمات کی تجارت میں چین تمام ممالک اور فریقین کے ساتھ ملکر جامع ترقی کو کھلے پن سے آگے بڑھانے تعاون سے رابطے اور انضمام کو فروغ دینے، اختراع سے ترقی کے محرکات کے فروغ اور مشترکہ خدمات سے ایک بہتر مستقبل کی تخلیق کے لیے کام کرے گا تاکہ عالمی معیشت کو مشترکہ طور پر پائیدار بحالی کی راہ پر گامزن کیا جاسکے۔