بیجنگ (شِنہوا) چین کے صدر شی جن پھنگ نے گلوبل سسٹین ایبل ٹرانسپورٹ فورم کو مبارکباد کا خط ارسال کیا ہے۔

شی جن پھنگ نے کہا ہے کہ اعلیٰ معیار کی اقتصادی اور سماجی ترقی کی حمایت کرنے اور مسافروں کے لئے خوشگوار سفر اور سامان کی ہموار نقل و حمل کے وژن کو عملی جامہ پہنانے کے لئے محفوظ، آسان، موٴثر، سبز، اقتصادی، جامع اور لچکدار پائیدار نقل و حمل کے نظام کی تعمیر ایک اہم قدم ہے۔

شی  نے کہا کہ چین نقل و حمل میں اپنی طاقت کو بڑھانے میں تیزی لا رہا ہے اور عالمی نقل و حمل تعاون کو فروغ دینا جاری رکھے گا جبکہ  اپنی ترقی کے ساتھ دنیا کو نئے مواقع فراہم کرے گا۔

شی  نے کہا کہ وسیع مشاورت، مشترکہ شراکت اور مشترکہ فوائد کے اصولوں پر عمل کرتے ہوئے چین پائیدار نقل و حمل کے فوائد کو دنیا بھر کے لوگوں تک بہتر طر یقے سے پہنچانے کے لیے دیگر ممالک کے ساتھ مل کر کام کرنے کے لیے تیار ہے۔

شی جن پھنگ نے گلوبل ڈیویلپمنٹ اینی شیٹو کے نفاذ ، اقوام متحدہ کے 2013 کے پائیدار ترقیاتی اہداف کے حصول اور انسانیت کے مشترکہ مستقبل کے ساتھ ایک کمیونٹی کی تعمیر میں تعاون کے عزم کا اظہار کیا۔

"پائیدار نقل و حمل ، عالمی ترقی کو فروغ دینے کے لئے مل کر کام کرنا" کے عنوان سے یہ فورم پیر کے روز شروع ہوا۔