بیجنگ (شِہنوا) چین میں دیہی سرگرمیوں سے متعلق سالانہ مرکزی کانفرنس بیجنگ میں منعقد ہوئی جس میں 2024 میں دیہی سرگرمیوں کی ترجیحات طے کی گئیں۔

اس موقع پر چینی کے صدر ، کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے زراعت، دیہی علاقوں اور کسانوں بارے امور پر اہم ہدایات دیں۔

چینی صدر شی جن پھنگ نے کہا کہ 2023 میں چین نے نسبتا شدید قدرتی آفات اور دیگر منفی حالات پر قابو پایا، اناج کی پیداوار میں ایک نیا ریکارڈ قائم کیا، کسانوں کی آمدن میں نسبتا تیزی سے اضافہ یقینی بنایا اور دیہی علاقوں میں ہم آہنگی اور استحکام کو برقرار رکھا۔

انہوں نے کہا کہ چین میں جدیدیت کے فروغ کے لئے ملک کو زرعی شعبے کی بنیاد کو مضبوط بنانے اور دیہی بحالی آگے بڑھانے کے لئے مسلسل کوششیں کرنا ہوں گی۔

انہوں نے کہا کہ سرسبز دیہی بحالی پروگرام کے تجربے کی بنیاد پر حقیقی حالات کے تحت مخصوص پالیسیاں نافذ کرنا، ترقی کو برقرار رکھنے کے لئے مستقل اور سازگار اقدامات کرنا اورعوامی مفاد میں ٹھوس نتائج حاصل کرنے کی کوششیں کرنا چاہیئے۔

چینی شی جن پھنگ نے اس بات پر زور دیا کہ اناج کی پیداوار کے لئے زمین کے رقبے کو مستحکم کرکے اور فی یونٹ پیداوار میں اضافہ کرکے غذائی تحفظ کا تحفظ کیا جانا چاہئے اور خوراک کی فراہمی کا متنوع نظام قائم کرنے کے لئے کام کیا جانا چاہئے ، اور قابل کاشت زمین کے معیار کو بہتر بنایا جانا چاہئے۔

انہوں نے کہا کہ زراعت کی جدیدیت میں تیزی اور توانائی پیدا کرنے کے لئے سائنس و ٹیکنالوجی کے ساتھ ساتھ اصلاحات کو مضبوط بنانا ، بنیادی ٹیکنالوجیز میں کامیابیوں کے حصول کی کوششیں تیز کرنا ، زراعت ، دیہی علاقوں اور کسانوں کے لئے کام کا طریقہ کار کو بہتر بنانا ضروری ہے۔