بیجنگ (شِنہوا)کمیونسٹ پارٹی آف چائنہ کی مرکزی کمیٹی کے جنرل سیکرٹری،مرکزی فوجی کمیشن کےچیئرمین، صدر شی جن پھنگ نے مشرقی صوبے آنہوئی کے ایک اسکول کے داخلہ حاصل کرنے میں کامیاب 20 نئے کیڈٹس کی حوصلہ افزائی کی ہے کہ وہ اعلیٰ معیار کے پیشہ ور فوجی اہلکار بننے کی کوشش کریں۔ صدر شی نے ان خیالات کااظہارآنہوئی صوبے  کے  چھیان شان یژہائی مڈل اسکول کے 20 طلباء کو لکھے گئے جوابی خط میں کیا، جنہیں فوجی اکیڈمیز میں داخلہ دیا گیا ہے۔

 خط میں صدرشی نے فوجی اکیڈمیزمیں داخلے پر طلباء کو مبارکباد دی اور اس امید کا اظہار کیا کہ وہ قومی دفاع اور مسلح افواج کو جدید بنانےکی کوششوں میں شریک ہوں گے۔

 یہ اسکول ڈیبی کے پہاڑوں میں انقلاب کے  پرانے بیس کے علاقے میں واقع ہے۔ رواں سال اس اسکول سے 100 سے زیادہ فارغ التحصیل طلباء نے ملٹری اکیڈمیزمیں اپلائی کیا اور ان میں سے 20 کو نو اکیڈمیزمیں داخلہ دیا گیا۔