بیجنگ (شِنہوا) چینی صدر شی جن پھنگ نے بہار تہوار سے قبل تیان جن میں پرائمری سطح کے عہدیداروں سے ملاقاتیں اور رہائشی بستیوں کا دورہ کیا۔ کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے تمام نسلی گروہوں سے تعلق رکھنے والے چینی عوام، ہانگ کانگ، مکاؤ اور تائیوان میں ہم وطنوں اور سمندر پار چینی باشندوں کو چینی نئے سال کی مبارکباد دی ہے۔
چینی صدر نے نے اندرون و بیرون ملک چینی شہریوں کی اچھی صحت، خوشحال خاندان اور ڈریگن سال کے لیے نیک خواہشات ظاہر کی اور مادر وطن میں امن و خوشحالی کے لیے نیک خواہشات کا اظہار کیا۔
چینی صدر شی جن پھنگ نے یکم سے 2 فروری تک سی پی سی مرکزی کمیٹی کے سیاسی بیورو کے رکن اور سی پی سی تیان جن بلدیاتی کمیٹی کے سیکرٹری چھن من آئر اور تیان جن کے میئر ژانگ گونگ کے ساتھ ایک دیہات ، ایک تاریخی و ثقافتی مرکز اور کمیونسٹ پارٹی آف چائنہ مرکزی کمیٹی زیرنگرانی ایک انقلابی یادگاری عجائب گھر کا معائنہ کیا۔ انہوں نے مقامی عہدیداروں اور رہائشیوں کے لیے نیک خواہشات کا اظہار بھی کیا۔
چینی صدر شی یکم فروری کی صبح ٹرین سے اترتے ہی ضلع شی چھنگ کے قصبے شین کو کے دیہات دیلیو بو پہنچے۔
گزشتہ برس جولائی کے آخر اور اگست کے شروع میں چین کے شمالی خطے میں شدید بارش سے حئی ہی کے طاس میں سیلاب آیا تھا جس سے تیان جن میں ڈونگ ڈیان فلڈ اسٹوریج اور ایک حراستی مرکز کا وسیع حصہ زیر آب آ گیا تھا۔
چینی صدر شی کو تیان جن اور ضلع شی چھنگ میں سیلاب سے ہونے والے نقصانات سے آگاہ کیا گیا۔
سبزیوں کی پیداوار چیک کرنے کے لئے انہوں نے ایک گرین ہاؤس کا دورہ کیا جہاں انہوں نے کسانوں سے گرین ہاؤس کی بحالی ، سبزیوں کی دوبارہ کاشت اور ان کی فروخت کےبارے میں تفصیلی آگاہی حاصل کی۔
انہوں نے مقامی لوگوں کو ان کے تیزردعمل، خود انحصاری اور خود حوصلہ افزائی کو سراہا کیونکہ انہوں نے اپنی مدد آپ کے تحت فعال طریقے سے پیداوار کو منظم کیا اور سیلاب کم ہونے پر زیادہ سے زیادہ کھیتوں میں سبزیاں اگانے کے وقت کا فائدہ اٹھایا۔
انہوں نے شہری رہائشیوں کو سبزیوں کے مزید انتخاب کا موقع اور سخت محنت پر ان کا شکریہ ادا کیا۔
چینی شی دو ہونگ گانگ کے ایک گھر بھی گئے جہاں ایک دیہاتی خاندان کی 4 نسلیں ایک ہی چھت تلے رہتی ہیں۔
چینی صدر شی نے خاندان کے ساتھ بیٹھ کر ان کی زندگی بارے معلومات حاصل کی اور سیلاب سے ہونے والے مالی نقصانات اور سیلاب کے بعد کی پیداوار سے ہونے والی آمدنی اور روزگار سے اضافی آمدنی کا حساب لگایا۔
ڈو نے جنرل سیکرٹری کو بتایا کہ سیلاب سے خاندان کے 10 مو (تقریباً 0.67 ہیکٹر) سے زیادہ مکئی کے کھیتوں اور سبزیوں کی فصل نقصان پہنچا تھا تاہم پارٹی اور حکومتی مدد سے وہ تیزی سے بحال ہوئے خاص کر ان کے سبزیوں کے گرین ہاؤس کی تیزی سے مرمت کی گئی جس سے انہیں موسم میں سبزیوں کی اچھی فصل مل گئی۔
بہارتہوار قریب ہونے سے خاندان نے تہوار کے لئے مختلف اشیاء کا ذخیرہ کرلیا اور گاؤں میں منعقدہ ثقافتی تقاریب کے سبب لوگ خوشگوار موڈ میں ہیں۔
چینی صدر شی نے قومی خوشحالی اور سماجی ہم آہنگی بارے چینی محاورے کا حوالہ دیتے ہوئے کہا کہ ایک ملک صرف اسی وقت خوشحال ہوتا ہے جب اس کے عوام امن سے رہتے ہیں۔ کمیونسٹ پارٹی آف چائنہ کی مرکزی کمیٹی کے ساتھ ساتھ پارٹی کمیٹیاں اور حکومتیں ہر وقت سب حفاظت اور فلاح و بہبود بارے فکرمند رہتی ہیں۔
انہوں نے دیہاتیوں کے لئے امید ظاہر کی کہ وہ اپنے گھروں کی تعمیر کرکے اپنے ہاتھوں سے اپنی زندگی خوشگوار بنائیں گے۔
