بیجنگ (شِنہوا) چین کے صدر شی جن پھنگ نے شنگھائی فورم پر منعقدہ ورلڈ کانفرنس آن چائنہ اسٹڈیز کو مبارکباد کا خط ارسال کیا ہے۔
چینی صدر نے کہا کہ چین کا مطالعہ نہ صرف چین کی تاریخ کا مطالعہ ہے بلکہ معاصر چین کا مطالعہ بھی ہے۔
چینی صدر نے کہا کہ چینی تہذیب ایک طویل تاریخ کی حامل ہے اور دنیا کی دیگر تہذیبوں کے ساتھ تبادلے اور باہمی سیکھنے کے عمل نے اسے مالا مال کیا اور ترقی دی جس نے چینی جدیدیت کو گہرے ثقافتی ورثے سے نوازا۔
انہوں نے کہاکہ صرف تاریخ کی ابتدا کا کھوج کرکے ہی ہم دنیا کی حقیقت کو سمجھ سکتے ہیں اور ثقافتی بنیاد پرعمل کرکے موجودہ چین کو شناخت کرسکتے ہیں۔ تہذیبوں کے باہمی سیکھنے سے ہی مشترکہ ترقی حاصل کی جا سکتی ہے۔
چینی صدر نے امید ظاہر کی ہے کہ مختلف ممالک کے ماہرین اور اسکالرز چینی اور غیرملکی تہذیبوں کو جوڑنے میں پیغام رسانی کا کردار ادا کریں گے، جامع پن اور کشادگی برقراررکھیں گے۔ دنیا بھر میں چین کے مطالعے اور تہذیبوں کے باہمی تبادلے کو فروغ دیکر عالمی تہذیبوں کے پھلتے پھولتے باغ میں فکری اور ثقافتی قوت پیدا کریں گے۔
شنگھائی میں منعقدہ اس تقریب کی میزبانی ریاستی کونسل کا دفتر اطلاعات اور بلدیہ شنگھائی حکومت کررہی ہے۔ تقریب کا موضوع "چینی تہذیب اور چینی راہ ، ایک عالمی نقطہ نگاہ "ہے۔
