ہانگ ژو (شِنہوا) چین کے صدر شی جن پھنگ نے ملک کے پورے معاشرے پر زور دیا ہے کہ وہ پانی اورسرسبز پہاڑوں کے ایک انمول اثاثہ  ہونے کے تصور کوبھرپور طریقے سے فروغ دیتے ہوئے اسے عملی جامہ پہنانے کے لیے ایک رول ماڈل کے طور پر کام کریں۔

کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین،صدر شی نے 15 اگست کو ماحولیات کے پہلے قومی دن کے موقع پر یہ ہدایات دیں۔

قوم کی پائیدار ترقی کے لیے ماحولیاتی تحفظ کو انتہائی اہمیت کا حامل قرار دیتے ہوئے صدر شی نے  اسے ایک بڑا سیاسی مسئلہ قرار دیا جو سی پی سی کے مشن اورمقصد کے ساتھ ساتھ ایک بڑا سماجی مسئلہ ہے جس کا تعلق عوامی فلاح و بہبود سے ہے۔

چینی صدر نے کہا کہ ہر لحاظ سے ایک جدید سوشلسٹ ملک کی تعمیر کے نئے سفر پر، ماحولیاتی ترقی کو آگے بڑھانے اور اعلیٰ معیار کے تحفظ کے ساتھ ہم آہنگ اعلیٰ معیار کی ترقی کو فروغ دینے کے لیے تزویراتی عزم کو برقرار رکھنے کی کوشش کی جانی چاہیے۔