بیجنگ (شِنہوا) چین کے صدر شی جن پھنگ نے  آندرے نیرینا راجویلینا کو مڈغاسکر کا دوبارہ صدر منتخب ہونے پر مبارکباد کا پیغام دیا ہے۔ چین کی مڈغاسکر کے ساتھ روایتی دوستی کا ذکر کرتے ہوئے صدر شی نے کہا کہ حالیہ برسوں میں ان کی مشترکہ رہنمائی میں دو طرفہ تعلقات تیزی سے آگے بڑھے ہیں، مختلف شعبوں میں تبادلوں اور تعاون کے نتیجہ خیز فوائد سامنے آئے اور دونوں ممالک نے ایک دوسرے کے بنیادی مفادات اور اہم خدشات سے متعقلہ  مسائل پر ایک دوسرے کی مضبوط حمایت کی ہے۔  صدر شی نے کہا کہ وہ دوطرفہ  تعلقات کی ترقی کو انتہائی اہمیت دیتے ہیں اور چین-مڈغاسکر جامع تعاون پر مبنی شراکت داری کی زیادہ سے زیادہ ترقی کے لیے صدر راجویلینا کے ساتھ مل کر کام کرنے کے خواہاں ہیں تاکہ دونوں  ممالک کے عوام کو بہتر طور پر فائدہ پہنچ سکے۔