بیجنگ (شِنہوا) کمیونسٹ پارٹی آف چائنہ کی مرکزی کمیٹی کے جنرل سیکرٹری شی جن پھنگ کی محنت کش طبقے اور ٹریڈ یونینز بارے تقاریر کے اقتباسات کا مجموعہ سینٹرل پارٹی لٹریچر پریس نے شائع کر دیا ہے۔
2012 میں کمیونسٹ پارٹی آف چائنہ کی 18 ویں قومی کانگریس کے بعد سے کامریڈ شی جن پھنگ کے ساتھ کمیونسٹ پارٹی آف چائنہ کی مرکزی کمیٹی نے پارٹی کی طویل مدتی حکمرانی کے لئے طبقاتی بنیاد اور عوامی تعاون مستحکم کرنے پر توجہ مرکوز کی ۔ ٹریڈ یونین کے کام پر پارٹی کی قیادت کی پیروی کرتے ہوئے چینی خصوصیات کے ساتھ سوشلسٹ ٹریڈ یونین کی ترقی کی راہ پرغیر متزلزل طریقے سے عملدرآمد کیا گیا۔
چینی صدر شی جن پھنگ کی اس ضمن میں تقاریر نئے دور میں مزدوروں کی تحریک اور ٹریڈ یونین کے کام میں اختراعی ترقی اور لاکھوں محنت کشوں کو متحد اور متحرک کرنے میں بہت اہمیت کی حامل ہیں تاکہ وہ ہر اعتبار سے ایک جدید سوشلسٹ ملک کی تعمیر میں دانشمندی اور قوت سے حصہ لے سکیں اور ہر محاذ پر چینی قوم کی عظیم تجدید شباب کو آگے بڑھا سکیں۔
کمیونسٹ پارٹی آف چائنہ کی مرکزی کمیٹی کے انسٹی ٹیوٹ آف پارٹی ہسٹری اینڈ لٹریچر کی مرتب کردہ اس کتاب میں 8 موضوعات کے تحت 240 متعلقہ اقتباسات شامل کئے گئے ہیں ۔
یہ 15 نومبر 2012 سے 7 جولائی 2023 کے درمیان چینی صدر شی جن پھنگ کی 70 سے زائد اہم زبانی اور تحریری مضامین سے اخذ کردہ ہیں جن میں سے کچھ پہلی بار شائع ہوئے ہیں۔
