بیجنگ (شِنہوا) چین کے صدر شی جن پھنگ نے یکم مئی کو مزدوروں کے عالمی دن کے موقع پر ملک کے محنت کش عوام کو مبارکباد اور نیک خواہشات پیش کی ہیں۔
کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے سی پی سی کی مرکزی کمیٹی کی جانب سے مبارکباد اور نیک خواہشات بھیجی ہیں۔
شی جن پھنگ نے محنت کشوں پر زور دیا کہ وہ کام کی اقدار کو فروغ دیتے ہوئے مثالی کارکنوں کے احترام اور معیاری کاریگری کو فروغ دیں۔
انہوں نے مزدوروں سے کہا کہ وہ چین کی جد ت سازی کو آگے بڑھانے میں ٹھوس پیشرفت کرنے کے لئے تندہی اور جرات مندی سے جدت سازی میں مشغول رہیں اور چین کو ایک مضبوط ملک بنانے اور تجدید شباب کا احساس دلانے کے نئے سفر میں قائدانہ کردار ادا کرنے کی حوصلہ افزائی کریں۔
شی جن پھنگ نے تمام سطح پر پارٹی کمیٹیز اور حکومتوں پر زور دیا کہ وہ مزدوروں کے جائز حقوق اور مفادات کا تحفظ کریں، ان کے مسائل اور مشکلات کو حل کرنے میں ان کی مخلصانہ مدد کریں اور ایک ایسے سماجی ماحول کو فروغ دیں جس میں کام اور کام کرنے والے افراد کے ساتھ عزت اور احترام کا سلوک کیا جائے۔
