بیجنگ(شِنہوا)چین کے صدر، کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے اس بات کا ذکر کرتے ہوئے کہ مضبوط ملک کی جامع تعمیر اور نئے دور میں نئے سفر پر قومی تجدید کو آگے بڑھانے کے لیے چینی جدیدیت کے حصول میں نئی صنعتوں کا قیام کلیدی اہمیت کا حامل ہے ، نئی صنعتیں لگانے میں پیش رفت کے حوالے سے اہم ہدایات دی ہیں۔ انہوں نے نئے ترقیاتی فلسفے پرتمام شعبوں میں مکمل اور دیانتداری کے ساتھ عملدرآمد کرنے، ترقی اور سلامتی کو مربوط اور نئے دور کے نئے سفر پر نئی صنعتوں کو فروغ دینے کے لیے صحیح نقطہ نظر کو سمجھنے کی اہمیت پر زور دیا۔ انہوں نے سائنسی اور تکنیکی انقلاب اور صنعتی تبدیلی کے نئے دورکو فعال طور پر ڈھالنے اور اس کی رہنمائی کرنے، نئی صنعتوں کے فروغ میں اعلیٰ معیار کی ترقی ، اور ایک مینوفیکچرنگ پاور ہاؤس کی تعمیر کوانفارمیشن ٹیکنالوجی کی  ڈیجیٹل معیشت اور ایپلی کیشن کی ترقی کے ساتھ مربوط کرنے کی ضرورت پر زور دیا تاکہ چینی جدیدیت کے حصول کے لیے ایک مضبوط مادی اور تکنیکی بنیاد رکھی جا سکے۔ صدر شی  نے زور دیا کہ نئی صنعت سازی کا فروغ ایک منظم منصوبہ ہے۔ اس کے لیے ایک فریم ورک کی ضرورت ہے جس کے تحت مختلف سطحوں پر پارٹی کمیٹیوں (سربراہ پارٹی ممبران گروپس) کی متحد قیادت قائم ہو، حکومتیں منصوبوں کو عملی جامہ پہنانے کی ذمہ دار ہوں، کاروباری ادارے بنیادی کردار ادا کریں، پورا معاشرہ مختلف طریقوں سے حصہ لیتے ہوئے  پالیسیوں اور عوامل کی حمایت  یقینی ہونی چاہیے۔انہوں نے کہا کہ  اس میں شامل تمام فریقوں کو جدت کو اپناتے ہوئے ذمہ داری کے ساتھ آگے بڑھنا چاہیے، اور نئی صنعت سازی کو فروغ دینے کے لیے بڑی طاقت جمع کرنا چاہیے، تاکہ ملک کو ہر لحاظ سے ایک عظیم جدید سوشلسٹ ملک بنانے کے لیے نئی اور زیادہ سے زیادہ شراکت کی جا سکے۔    نئی صنعتوں کے قیام  کو فروغ دینے سے متعلق قومی اجلاس 22 سے 23 ستمبر تک بیجنگ میں منعقد ہوا۔ اجلاس میں شی جن پھنگ کی اہم ہدایات پیش کی گئیں۔ سی پی سی کی مرکزی کمیٹی کے سیاسی بیورو کی قائمہ کمیٹی کے رکن وزیر اعظم لی چھیانگ نے اجلاس میں شرکت اوراظہار خیال کیا۔