بیجنگ (شِنہوا) چینی صدر شی جن پھنگ نے کمیونسٹ پارٹی آف چائنہ (سی پی سی) کی کمیٹیوں اورحکومتوں کے جنرل دفاتر کو ایسے ماڈل بنانے کی کوششوں کا مطالبہ کیا ہے جن پر پارٹی بھروسہ کرسکے اوروہ عوام کی توقعات پر پورا اترسکیں۔ سی پی سی کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین صدر شی نے ان خیالات کا اظہار نئے دور میں جنرل دفاتر کے فرائض کے بارے میں دی گئی حالیہ ہدایات میں کیا۔ صدر شی نے کہا کہ پارٹی کمیٹیوں اور حکومتوں کے جنرل دفاتر کا پارٹی اور ملک کے نظام حکومت میں ایک خاص اور اہم کردار ہے اوروہ اہم ذمہ داریاں نبھاتے ہیں۔ انہوں نے کہا کہ جدیدیت کے نئے سفر پر، جنرل دفاتر کو پارٹی کی مرکزی کمیٹی کی مرکزی اور متحد قیادت کو مضبوطی سے برقرار رکھتے ہوئے ہمیشہ سوچ، سیاسی موقف اورعمل میں پارٹی کی مرکزی کمیٹی کی قریب سے پیروی کرنا چاہیے۔ صدر شی نے جنرل دفاتر پر زور دیا کہ وہ پارٹی کمیٹیوں اور حکومتوں کے مشیروں اور معاونین کے طور پر بہتر کردار ادا کریں اور چین کو ایک مضبوط ملک بنانے اور چینی قوم کی عظیم تجدید کے لیے زیادہ سے زیادہ تعاون کریں۔
