بیجنگ (شِنہوا) چین کے صدر شی جن پھنگ نے شمال مشرقی یونیورسٹی کے اساتذہ اور طلباء سے ملک کے  شمال مشرقی علاقے کے مکمل احیاء اور چینی جدیدیت کے لیے زیادہ سے زیادہ تعاون کا مطالبہ کیاہے۔

کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین صدر شی نے ان خیالات کا اظہار ایک جوابی خط میں کیا  جس میں انہوں نے یونیورسٹی کی 100ویں سالگرہ پر فیکلٹی ممبران، طلباء اور سابق طلباء کو مبارکباد پیش کی۔

صدر شی نے کہا کہ اپنے قیام کے بعد سے، شمال مشرقی یونیورسٹی نے بڑی تعداد میں ٹیلنٹ کو پروان چڑھایا ہے، جس نے ملک اور قوم کے لیے مثبت کردار ادا کیا ۔

انہوں نے اپنی اس امیدکا اظہار کیا کہ یونیورسٹی ملک کی سٹریٹجک ضروریات کی بنیاد پرمزید اعلیٰ صلاحیتوں کے حامل ٹیلنٹ کو پروان چڑھائے گی، مضبوط شعبوں میں اپنی نمایاں برتری کوفروغ دیتے ہوئے  اعلیٰ سطح کے سائنسی تحقیق کی کامیابیوں کو جاری رکھے گی۔