ویانا(شِنہوا) چین نے عالمی گورننس اور سماجی و اقتصادی ترقی کے حوالے سے بین الاقوامی تعاون میں شدید رکاوٹ ڈالنے والے یکطرفہ دباو کی مذمت کی۔
ویانا میں"یکطرفہ دباو کے اقدامات اور ریاستوں کی سماجی و اقتصادی ترقی پر ان کے منفی اثرات" کے موضوع پر منعقدہ سیمینار سے خطاب کرتے ہوئے اقوام متحدہ (یو این) اور دیگر بین الاقوامی اداروں میں چین کے مستقل نمائندے لی سونگ نے کہا کہ یکطرفہ دباو کے اقدامات کثیرالجہتی اور ترقی پذیر ممالک کے دشمن ہیں۔
یہ تقریب اقوام متحدہ کی صنعتی ترقی کی تنظیم (یو این آئی ڈی او) کی جاری جنرل کانفرنس کے موقع پر منعقد کی گئی ہے جوجمعہ تک جاری رہے گی۔
لی نے کہا کہ یہ اقدامات مطلق بالادستی، یکطرفہ اور طاقت کی سیاست پر مبنی ہیں، جو اقوام متحدہ کے چارٹر اور اصولوں ، بین الاقوامی قانون اور کثیرالجہتی اور بین الاقوامی تعلقات کے بنیادی اصولوں کے خلاف ہیں۔
لی نے کہا کہ یکطرفہ دباو کے اقدامات نے ان ممالک کی سماجی و اقتصادی ترقی کو شدید متاثر کیا ہے جو ان سے متاثر ہیں اس سے متعلقہ ممالک کے لوگوں کے انسانی حقوق کی خلاف ورزی کی گئی ہے۔
