تیانجن(شِنہوا) چین کے شمالی شہر تیانجن میں یوم مئی کی تعطیل کے دوران کاروبار میں اضافہ ہواہے۔

 میونسپل کمیشن آف کامرس کی جانب سے جمعرات کوجاری کردہ اعدادوشمارکے مطابق تیانجن میں 232 تجارتی اداروں نےپانچ روزہ تعطیلات کے دوران 1کروڑ9لاکھ 80ہزار دوروں کے ساتھ 1ارب78کروڑ یوآن(تقریباً25کروڑ77لاکھ 70ہزارڈالر) کی آمدنی حاصل کی،جو گزشتہ سال کی اسی مدت کے مقابلے میں بالترتیب 20.9 فیصد اور 26.8 فیصد زیادہ ہے۔ 

کیٹرنگ کی صنعت نے نمایاں ترقی کی۔ کمیشن کے زیر نگرانی 37 کیٹرنگ کمپنیوں کی تعطیلات کے دوران آمدن 1کروڑ59لاکھ 20ہزاریوآن رہی جو کہ گزشتہ سال سے21.2 فیصد زیادہ ہے۔

تیانجن کے 44 شاپنگ سینٹرز کی فروخت کے حجم میں تعطیلات کے دوران غیر معمولی اضافہ ہوا جو 57 کروڑ یوآن تک پہنچ گیا، جو کہ گزشتہ سال سے17.5 فیصد زیادہ ہے۔ 

ان شاپنگ مالز پر  75لاکھ سے زیادہ  لو گوں کی آمد ہو ئی جو گزشتہ سال کی اسی چھٹی کے عرصے کے مقابلے میں 40.4 فیصد زیادہ ہے۔