بوآؤ (شِنہوا) چین کے جنوبی صوبے ہائی نان کے ساحلی قصبے بوآؤ میں باؤ فورم برائے کاروباری افراد 2023 منعقد ہوا جس میں شرکاء نے نئی پیداواری صلاحیت اور نئے ترقی کے محرکات پر بات چیت کی۔

شِنہوا نیوز ایجنسی کے ایڈیٹر ان چیف لیو یان سونگ نے کہا کہ نئی پیداواری صلاحیت، اعلیٰ معیار کی ترقی کی ضروریات کے تحت ہے اسے اعلیٰ ٹیکنالوجی ایپلی کیشنز اور نئی صنعتوں اور نئے فارمیٹس کی مدد حاصل ہے۔

شِںہوا اعلیٰ معیار کی ترقی کے فروغ اور تمام محاذوں پر چینی قوم کے تجدید شباب کو آگے بڑھانے میں خاطر خواہ کردار ادا کرنے کے لئے کاروباری افراد اور زندگی کے تمام شعبوں سے وابستہ افراد کے ساتھ تعاون کرنے کو تیار ہے۔

ہائی نان کے گورنر لیو شیاؤمنگ نے کہا کہ ہائی نان اپنی سرمایہ کاری اور کاروبار کے لئے ہائی نان کو چننے والے کاروباری افراد کو مزید مواقع اور بہتر خدمات پیش کرے گا۔

باؤ فورم برائے کاروباری افراد کا قیام 2016 میں ہوا تھا جب سے اب تک اس کے 7 اجلاس ہوچکے ہیں۔ رواں سال کے فورم کی میزبانی شنہوا نیوز ایجنسی، صوبہ ہائی نان کی عوامی حکومت اور چائنہ کونسل فار برانڈ ڈیویلپمنٹ مشترکہ طور پر کررہی ہے۔