لان ژو (شِنہوا) چین کے شمال مغربی صوبہ گانسو نے اپنے 72 ثقافتی مقامات پر نایاب اور قیمتی چٹانوں کی پینٹنگز کے لیے ڈیجیٹل امیج ڈیٹا بیس قائم کردیا ہے۔

ڈن ہوانگ اکیڈمی کے ثقافتی آثار ڈیجیٹلائزیشن انسٹی ٹیوٹ کے ڈپٹی ڈائریکٹر ڈنگ شیاؤ شینگ نے بتایا کہ انہوں نے ایک برس سے زیادہ عرصے تک انتہائی درست اعداد و شمار جمع کیے اور چٹان پینٹنگز کے اطراف ماحول اور جغرافیائی محل وقوع کی معلومات ریکارڈ کیں ۔

یومو پہاڑ پرچٹان پینٹنگز میں سے زیادہ تر محفوظ ہیں اور ان میں سے بیشتر جانوروں کی تصاویر ہیں جو پتھر کے زمانہ سے تعلق رکھتی ہیں۔

صوبائی ثقافتی آثار بیورو نے 2021 میں ڈیجیٹل منصوبے کی منظوری دی تھی جس کی ذمہ داری ڈن ہوانگ اکیڈمی کو سونپی گئی۔

اب تک گانسو میں چٹان پینٹنگ کے 72 مقامات دریافت ہوئے ہیں جن میں سے زیادہ تر گہرے پہاڑوں، صحرائے گوبی یا وادیوں میں پھیلے ہوئے ہیں جہاں لوگ شاذ و نادر ہی آتے ہیں۔

ان میں ہائی شان پہاڑ کی چٹان پینٹنگز چین میں شمال مغربی قدیم شاہراہ ریشم کے حصے ہی شی راہداری میں قدیم چھیانگ نسلی گروہ کے مناظر شامل ہیں۔ اس میں شکار، گھڑ سواری اور تیر اندازی کی عکاسی کی گئی ہے۔

صوبائی ثقافتی آثاربیورو کے نائب سربراہ چھیو جیان نے بتایا کہ "چٹان پینٹنگز واضح تاریخی ریکارڈ ہیں جو قدیم لوگوں کی طرز زندگی کو بیان کرتی ہیں ۔ وہ انسانیت کا ایک انمول ثقافتی ورثہ ہیں۔

چٹان پینٹنگز اور نقش ونگارکے تحفظ پرعالمی تشویش پائی جاتی ہے ۔اس وقت ان کو معدوم ہونے سے روکنے کے لیے مئو ثر، قدرتی سائنسی اور تکنیکی طریقہ کار کا فقدان ہے۔

ڈنگ نے بتایا کہ ڈیجیٹل آرکائیوز گانسو میں چٹان پینٹنگز کی مستقبل کی تحقیق، تحفظ اور استعمال کے لئے بنیادی ڈیٹا تعاون فراہم کرسکتا ہے۔